Jaayenge uttam desh mein zarur,

rahenge prabhu ke saath hum zarur,

Swargiya desh, uttam bhi veh hai,

humara veh desh, jo adbhut hai

1. Pita ko bhaaya hai, humein ek rajya de,

    Duniya ki Srishti se pehle banaya hai

2. Adbhut veh nagar hai, Ishvar ki rachna hai,

    Dridta se nev daali, sthir bhi kiya hai

3. Pavitra nagar veh hai, dharmikta reheti hai,

    Swargiya swabhaav se, taiyaar bhi kiya hai

4. Sanaathan rajya veh hai, yuganuyug veh rahe,

    Rahenge sadaa usmein, jinko usne chuna hai

5. Prabhu ko dekhenge, aanand se bhar jaayenge,

    Uske samaan honge, humara jeevan veh hai